"AI-SANA" бағдарламасының бірінші кезеңін іске асыру қорытындылары

23.10.2025

 

Цифрлық құзыреттерді дамытуға арналған ұлттық бастама
«AI - SANA» бағдарламасы — Қазақстан Республикасының ауқымды мемлекеттік бастамасы. Бағдарлама Президент Қасым-Жомарт Тоқаевтың тапсырмасымен іске қосылып, ҚР Ғылым және жоғары білім министрлігінің қолдауымен жүзеге асырылуда.
Бағдарламаның мақсаты — жасанды интеллекттің ұлттық экожүйесін қалыптастыру, студенттер мен оқытушылардың цифрлық құзыреттерін дамыту, сондай-ақ білім беру, медицина, ғылым және экономика салаларында ІИ технологияларын қолдана алатын мамандарды даярлау.
Жоба жоғары оқу орындарында кезең-кезеңімен іске асырылып, заманауи цифрлық білім беру құралдарын ендіруге және оқу ортасында жасанды интеллектті қолдану мәдениетін қалыптастыруға бағытталған.

 

«AI - SANA» бағдарламасының бірінші кезеңінің нәтижелері ОҚМА-да
«AI - SANA» бағдарламасын іске асыру жоспарына сәйкес, жоғары оқу орындары ағымдағы жылдың қазан айының соңына дейін бірінші кезеңді аяқтауы тиіс.
2025 жылғы сәуірден 20 қазанға дейін «Оңтүстік Қазақстан медицина академиясы» АҚ-ның (ОҚМА) студенттері мен ПОҚ жасанды интеллект бойынша Coursera платформасында базалық курстардан өтті. Оқыту қорытындылары:

  • 1492 студент 3930 сертификат алды, бұл курстарды сәтті меңгергенін және жасанды интеллект саласында базалық білім қалыптастырғанын дәлелдейді.

  • ПОҚ құрамынан 340 адам оқудан өтті. Барлығы 1251 сертификат алынды.

 

Өтілген курстар саны бойынша қорытынды:

  • Ағылшын тіліндегі курстар: 120+ бірегей

  • Қазақ тіліндегі курстар: 6 бірегей

  • Орыс тіліндегі курстар: 2 бірегей

 

ОҚМА студенттері меңгерген базалық ІИ курстары
«AI - SANA» бағдарламасының бірінші кезеңі аясында ОҚМАстуденттері цифрлық құзыреттерді дамытуға және заманауи ІТ-технологиялардың жұмыс қағидаттарын түсінуге бағытталған жасанды интеллект бойынша базалық курстарды оқыды.
Негізгі оқу бағыттары:

  • жасанды интеллект пен машиналық оқытудың негіздері;

  • чат-боттар мен генеративті модельдерді, соның ішінде ChatGPT технологияларын пайдалану;

  • деректерді талдау және визуализациялау;

  • ІИ-ді қолданудың этикасы мен қауіпсіздігі;

  • цифрлық сауаттылықты арттыру және ІТ-құралдарды тиімді пайдалану.

Алынған білім мен дағдылар студенттерге оқу, зерттеу және кәсіби қызметте ІИ технологияларын сенімді қолдануға мүмкіндік береді.

 

 

ОҚМА-ның «AI - SANA» бағдарламасына қатысуының стратегиялық мәні
ОҚМА үшін бағдарламаны іске асыру мынаған ықпал етеді:

  • үздік әлемдік білім беру тәжірибелерін енгізу арқылы мамандарды даярлау сапасын арттыруға;

  • оқытудың инновациялық технологияларын енгізуге және академияның цифрлық инфрақұрылымын дамытуға;

  • халықаралық білім беру платформаларымен академиялық ынтымақтастықты кеңейтуге;

  • студенттер мен оқытушылардың цифрлық және зерттеу мәдениетін дамытуға;

  • медициналық білімге жасанды интеллект технологияларын белсенді енгізетін заманауи ЖОО ретінде ОҚМА мәртебесін нығайтуға.

 

Болашақ жоспарлар
«AI - SANA» бағдарламасы екінші кезеңмен жалғасады. Ол жасанды интеллект құралдарын тереңірек меңгеруге және оларды практикалық қызметте қолдануға бағытталмақ.
ІІ технологияларын пайдалана отырып, зерттеу жобаларын дамыту және цифрлық шешімдерді академияның білім беру және ғылыми ортасына интеграциялау жоспарлануда.

ОҚМА студенттер мен оқытушылардың цифрлық құзыреттерін қалыптастыру бойынша белсенді жұмысын жалғастырып, инновациялар мен цифрлық медициналық білім беру саласындағы жетекші позициясын нығайтатын болады.